ԱԶԱՐԻԱ ՋՈՒՂԱՅԵՑԻ

Գործունեությունը` Տոմարագետ

Բնակավայրը` Հայաստան

XVI դ. տոմարագետ:
(ծ. և մ. թթ. անհտ),

Որդի Երիջանի:
Ապրել և գործել է Ջուղայում:
Կազմել է «Ազարիայի կամ Ջուղայեցիների տոմար» անունով հայտնի նոր օրացույց, որտեղ հիմնականում պահպանված էր հայկ. նախկին օրացույցի սկզբունքը, տարին անշարժ էր, ուներ 12 ամիս` 30-ական օրով, ու հավելյալ ամիս` 3 օրով: Նահանջ տարիներին 12-րդ ամիսն ունենում էր 31 օր: Ա.Ջ-ու տոմարով տարեսկիզբն օգոստոսի 11-ից տեղափոխված էր գարնանային գիշերահավասարի օրը` մարտի 21-ը: Ամիսների անունները մեծամասամբ արաբական էին, որոնք հետագայում Ա.Ջ. փորձել է փոխարինել հայկականով:
Ջուղայեցիների թվականն ստանալու համար մեր թվականից պետք է հանել 1615՝ մարտի 21-ից մինչև հունվ. 1-ը, և 1616՝ հունվ. 1-ից մինչև մարտի 21-ը ժամանակամիջոցների համար:
Ազարիայի տոմարը գործածվել է Նոր Ջուղայի և Հնդկաստանի հայկ. աղութներում: