ՔԱՂՎԱԾՔՆԵՐ ՀՀ ԱԶԳԱՅԻՆ ՀԵՐՈՍ ՄՈՎՍԵՍ ԳՈՐԳԻՍՅԱՆԻՑ

Մենք անարատ, մաքուր դրոշ ենք պարզել, թող բարի լինեն այդպես անարատ էլ պահպանել այն: Եվ մենք թույլ չենք տա, որ այդ դրոշի, այդ գաղափարախոսության վրա մի փոքր բիծ անգամ գոյանա:


Հոսող գետը չի հոգնում: Մենք հոսելով ու ալեկոծվելով պիտի մաքրվենք և դրա մեջ գտնենք մեր պայքարի բարոյականությունը:

* * * *

Ազգային պատկանելությունը միայն ազգին ծառայելով է որոշվում:

* * * *

Պարտադրված ազատությունը նույնպես բռնություն է:

* * * *

Անկախությունը դա էություն է, դա կեցության պատվարժան ձևն է:

* * * *

Հայն իր ազգությունն է ուզում պահպանել, իր տեսակը, իր դիմագիծը: Այդ կեցվածքը ազգի գոյության ու գենի պահպանման հավերժացումն է: Գոյության միակ երաշխիքը ազատությունն է:

* * * *

Այն ազգը, որ ազատություն չի տենչում , որը հաշտվել է իր ստորաքարշ ու ստրուկ վիճակի հետ, ուրեմն` որպես ազգ ու տեսակ սպառել է իրեն ու այլևս գոյություն չունի: Մնացյալ բոլոր ճիգերը զուր են, ավելորդ:

* * * *

Երկխոսության գնալ բռնատիրական իշխանության հետ, նշանակում է կորցնել մեր ազգային դեմքը, մեր եսը, մեր որպիսությունը:

* * * *

Պարտադիր չէ շղթան ձեռքին կամ վզին լինի, նախ հոգին պիտի ազատագրել շղթաներից:

* * * *

Իմ մեկնած ձեռքում արդարության զենքն է, և եթե որևէ մեկը կսեղմի այն, ես միայն երջանիկ կլինեմ:

* * * *

Սուգը հավերժ է, երբ պայքար չկա: