ԱԿԻՄ ԹԱՄԻՐՈՎ

Գործունեությունը` Կինոդերասան

Բնակավայրը` ԱՄՆ

Ծնվել է 29.10.1899թ., Բաքու:
Մահացել է 1973թ.:

Արցախեցի Միքայել Թամիրովի (նավթարդյունաբերող Բաքվում) և Մաշա Ամիրյանի որդին:

Հայկական անունը Հովակիմ:

1923-ին մեկնել է Փարիզ, ապա հաստատվել ԱՄՆ-ում:

Որոշ ժամանակ հանդես է եկել Բալիևի «Չղջիկ», ապա՝ Նյու Յորքի «Գիլդ» թատրոնում:

1933-ին մուտք է գործել կինո, մինչև մահը նկարահանվել 100-ից ավելի ամերիկյան, ֆրանսիական, անգլիական և իտալական շարժանկարներում.

«Սիրահարված սատանան»,
«Գեներալը մեռավ լուսաբացին»,
«Ում համար են ղողանջում զանգերը»,
«Մեղրամիս Բալիում»,
«Դժոխքի երգը»,
«Չարիքի ծարավը»,
«Թոփքափի»,
«Աղվեսի հետևից»,
«Հրեայի մահը»,
«Պարադիսո»,
«Հյուրանոցը»,
«Կորսիկացի եղբայրները»,
«Վրիժառուն էլդորադոյից»:

Երկու անգամ եղել է «Օսքար» մրցանակի թեկնածու:

Համարվում է ամերիկյան շարժանկարի խոշորագույն բնութագրական դերասաններից: