AXEQSANDR A JUXAYECI / ԱՂԵՔՍԱՆԴՐ Ա ՋՈՒՂԱՅԵՑԻ

Գործունեությունը` Կրոնական գործիչ

Բնակավայրը` Հայաստան

Ամենայն հայոց կաթողիկոս 1706-ից:

Ծննդյան թիվն՝ անհայտ:
Մահ՝ 1714թ.,

Հաջորդել է Նահապետ Ա Եդեսացուն.

1697-1706-ին եղել է Նոր Ջուղայի Ամենափրկիչ վանքի առաջնորդը:

Պայքարել է տեղի կաթոլիկ քարոզիչների դեմ, այդ առիթով 1682- ին գրել «Գիրք Ատենական, որ ասի Վիճաբանական» երկը (հրտ.՝ 1687):

Ունի տպագիր և անտիպ աշխատություններ, նամակներ, թղթեր, քարոզներ, տաղեր:

Կարևոր են Կղեմես XI պապին (կաթոլիկների գործունեությունը զսպելու խնդրանքով) և Պետրոս Մեծին ուղղված նամակները:

Ռուսական կայսրին գրված նամակը ցույց է տալիս, որ ԱՂԵՔՍԱՆԴՐ Ա ՋՈՒՂԱՅԵՑԻՆ հարել է Իսրայել Օրու ազատագրական գաղափարներին:

ԱՂԵՔՍԱՆԴՐ Ա ՋՈՒՂԱՅԵՑու առավել հայտնի գործերից են «Աղօթամատոյց»-ը (1790, 2-րդ հրտ.՝ 1840), «Կարգ և թիւք կաթողիկոսաց և ամք նոցա»-ն (Մատենադարան, ձեռ. № 1721), «Վկայութիւնք ի պետս քարոզութեւսնց»-ը (աշխատասիր.' Հ. Քյոսեյանի, 1998): Մեզ են հասել նաև նրա ձեռքով ընդօրինակված ձեռագրեր:

Կաթողիկոս, գահին ԱՂԵՔՍԱՆԴՐ Ա ՋՈՒՂԱՅԵՑ-ուն հաջորդել է Աստվածատուր Ա. Համադանցին: