ԱՆԱՍՏԱՍ Ա ԱԿՈՌԵՑԻ

Գործունեությունը` Կրոնական գործիչ

Բնակավայրը` Հայաստան

Ամենայն հայոց կաթողիկոս 661-ից:

Ծննդյան թիվն անհայտ է. գ. Ակոռի (Այրարատ նահանգի Մասյացոտն գավառ):
Մահ. 667թ., Ակոռի, ամփոփվել է իր կառուցած եկեղեցու բակում:

Հաջորդել է Ներսես Գ Տայեցուն: Եղել է կաթողիկոսի սենեկապետը, նրա կարգադրությամբ հսկել է Զվարթնոցի ս. Գրիգոր կաթողիկեի շինարարությունը:

652-659-ին, երբ կաթողիկոսը մեկուսացել է, վարել է հայրապետ, ընթացիկ գործերը:

Կաթողիկոսության օրոք իր ծննդավայրում, կառուցել է եկեղեցի՝ կից հյուրանոցով և աղքատանոցով (կործանվել է 1840-ի երկրաշարժից):

ԱՆԱՍՏԱՍ Ա ԱԿՈՌԵՑու հանձնարարությամբ Անանիա Շիրակացին կազմել է հայկական առաջին անշարժ տոմարը, որը ԱՆԱՍՏԱՍ Ա ԱԿՈՌԵՑու մահից հետո մերժվել է:

Կաթողիկոսական գահին ԱՆԱՍՏԱՍ Ա ԱԿՈՌԵՑուն հաջորդել է Իսրայել Ա Ոթմսեցին: