ԱՇՈՏ Գ ՈՂՈՐՄԱԾ

Գործունեությունը` Թագավոր

Բնակավայրը` Հայաստան

Հայոց թագավոր 953-ից:

Ծննդյան թիվն անհայտ է:
Մահ. 977թ., թաղված է Հոռոմոսի վանքում:

Հաջորդել է հորը՝ Աբաս Բագրատունուն:
Կատարելագործել է երկրի վարչական կառավարման համակարգը, ինչի շնորհիվ ձևավորվել է հայկական թագավորությունների դաշնակցային միություն՝ ԱՇՈՏ Գ ՈՂՈՐՄԱԾի գերագահությամբ:
Թագավորության հոգևոր կենտրոններ են դարձել նրա և կնոջ՝ Խոսրովանույշ թագուհու հովանավորությամբ կառուցված Սանահինի և Հաղպատի վանքերը:
958-ին որդուն՝ Սմբատ Բ-ին, կարգել է գահակից:
961-ին մայրաքաղաք է հռչակել Անին:
Նշանավորվել է շինարարական աշխատանքներով (հատկապես Անիի կառուցապատմամբ), ինչպես նաև զինված ուժերի հզորացմամբ:
974-ին կանխել է բյուզանդական կայսր Հովհաննես Չմշկիկի արշավանքը Հայաստան:
ԱՇՈՏ Գ ՈՂՈՐՄԱԾի գահակալումը նշանավորվել է երկրի տնտեսական, քաղաքական, մշակութային վերելքով:
Իր գթասրտության և ժողովրդի նկատմամբ ցուցաբերած հոգատարության համար ստացել է Ողորմած պատվանունը: