ԱՍԻԼՎԱ ( Սիլվա Առաքելյան Մկրտչի )

Գործունեությունը` Նկարիչ, Քանդակագործ

Բնակավայրը` Թուրքիա

Ծնվ. 03.10.1937թ., Ստամբուլ:

Ավարտել է Ստամբուլի Հինդլյան (1948), Ֆրանսիայի Նոտր Դամ դը Սիոն (1953) դպրոցները, Էյուբլիցեյ գեղարվեստի ակադեմիաները (1958), Սորբոնի համալսարանը:

ՅՈՒՆԵՍԿՕ-ի Պլաստիկ արվեստի միջազգային ընկերակցության հիմնադիր (1993):

Ստեղծագործում է հիմնականում աբստրակտ գեղանկարչության բնագավառում:
Գործերից են՝ «Անցք», «Հույս», «Արարատ», «Լույս լռության», «Խավարում» (բոլորը' կոմպոզիցիա), «Ցեղասպանություն» (Հայոց ցեղասպանության թանգարան-ինստիտուտ), որոնց բնորոշ են արդիական ազատ ձևերի ճարտ. դինամիկ կառույցն ու գունային ներդաշնակությունը:
Անհատական ցուցահանդեսներ՝ Իտալիայում (1993-94, 1996), Ֆրանսիայում (1996), Բրյուսելում (1999), Ժնևում (2001), Երևանում (2004), Յոկոհամայում (2005):

Գործերից պահվում են Գերմանիայի, Ֆրանսիայի, Հայաստանի, Թուրքիայի տարբեր թանգարաններում և պատկերասրահներում:

Առաջին քրիստոնյա կինն է, որ արժանացել է Թուրքիայի՝ Արվեստի նվաճումների համար պետական մրցանակի (1973):