ԱՍՊՈՒՐԱԿԵՍ Ա ՄԱՆԱԶԿԵՐՏՑԻ

Գործունեությունը` Կրոնական գործիչ

Բնակավայրը` Հայաստան

Ամենայն հայոց կաթողիկոս 381-ից,

Ծննդյան թիվն անհայտ է, ք. Մանազկերտ (Մուշի գավառ):
Մահ., 386թ., Մանազկերտ:

Աղբիանոսների (IV-V դդ.) հոգևորական տոհմից:
Հաջորդել է Զավեն Ա Մանազկերտցուն:
Պայքարել է Հռոմեական կայսրության քաղաքական խարդավանքների դեմ, աջակցել Խոսրով Գ-ին, աշխատել քաղաքական ասպարեզից մեկուսացնել Հայաստանի արմ. մասում թագավորող և Հռոմեական կայսրությանը գործակցող Արշակ Գ-ին:
ԱՍՊՈՒՐԱԿԵՍ Ա ՄԱՆԱԶԿԵՐՏՑու ջանքերով Հայաստանի բյուզանդական ազդեցության տակ գտնվող արմ. մասում նոր հոգևոր առաջնորդ չի նշանակվել, և Հայոց կաթողիկոսական աթոռը պահպանել է իր համահայկական նշանակությունը:
ԱՍՊՈՒՐԱԿԵՍ Ա ՄԱՆԱԶԿԵՐՏՑուն հաջորդել է Սահակ Ա Պարթևը.