ԱՎԵՏԻՍ (Ավետիք)

Գործունեությունը` Մանրանկարիչ

Բնակավայրը` Հայաստան

XIV դ. 2-րդ կեսի մանրանկարիչ, գրիչ և կազմող:

Ծննդյան թիվն անհայտ է:
Մահ. մոտ 1381թ.

Ստեղծագործել է Սուրխաթում (Ղրիմ):
Գրչության արվեստը սովորել է հորից՝ Նատերից:
Մատենադարանում պահվում են ԱՎԵՏԻՍի 1344-48- ին ընդօրինակած ու պատկերազարդած Ավետարանները (ձեռ. № 7636, 7637, 7742, 7857), 1364 և 1371-ի ճաշոցները (ձեռ. № 4656, 7449), 1355-ին ընդօրինակած ժողովածուն (ձեռ. № 6938):
Ձեռագրերից պահվում են նաև Լոնդոնի Բրիտ. թանգարանում, Վիեննայի Մխիթարյան մատենադարանում և Թբիլիսիի հին ձեռագրերի ինստիտուտում:
ԱՎԵՏԻՍը զուգորդել է Մեծ Հայքի և կիլիկյան մանրանկարչության ավանդույթները՝ գերադասելով կապույտ խորքով նկարների մոնումենտալ լուծումը:
Գրակ.
Корхмазян Э. М., Армянская миниатюра Крыма (XIV-XVII вв.), Е„ 1979.