ԱՎԵՏԻՔ ՊԵՏՐՈՍ (Պետրոս կամ Պետիկ Հայ)

Գործունեությունը` Դիվանագետ

Բնակավայրը` Իտալիա

Ծննդյան թիվն՝ անհայտ է:
Մահացել է մոտ. 1684թ.,

Հռոմի Ուրբանյան վարժարանում սովորել է աստվածաբանություն և լեզուներ:
Հակաթուրք. դաշինք ստեղծելու խնդրով, որպես Հռոմի պապի պատվիրակ, 1660-ական թթ. երկիցս այցելել է պարսկ. արքունիք, նշանակվել Պարսից շահի ներկայացուցիչ Եվրոպայում:
Հայերին և վրացիներին հակաթուրք. դաշինքի մեջ ընդգրկելու նպատակով եղել է Հայաստանում և Վրաստանում, բանակցել Հակոբ Դ Ջուղայեցու և Վրաց կաթողիկոսի հետ:
Մեծ ներդրում է ունեցել Հունգարիան թուրքական լծից ազատագրելու գործում, որի դիմաց 1680-ին ստացել է կալվածք Հևեշի գավառում:
Նրան շնորհվել է կոմսի տիտղոս, «մեծապատիվ» մակդիրը կրելու իրավունք և հատուկ տոհմանշան (զինանշան) ունենալու արտոնություն:
Հեղինակ է «Քառասուն սյուներով դահլիճը» երկի (լատ., 1678):