ԱՐԳԻՇՏԻ Բ

Գործունեությունը` Թագավոր

Բնակավայրը` Հայաստան

Արարատյան (Ուրարտու) պետության թագավոր մ.թ .ա. 714-ից:

Ծննդյան թիվն անհայտ է:
Մահ. մ.թ.ա. մոտ 680:

Ռուսա որդին և հաջորդը:
Ամրապնդել է կենտրոնական իշխանությունը, վերացրել Ասորեստանի Սարգոն II թագավորի ավերիչ արշավանքի (մ.թ.ա. 714) հետևանքները, հզորացրել բանակը:
Արգիշտի Բ-ի օրոք տերության արլ. սահմանները հասել են մինչև Կասպից ծով, որի վկայությունն է Արտավետ (Արդաբիլ) ք-ի մոտ, Սավալան լ. լանջին պահպանված նրա արձանագրությունը:

Վասպուրականի Արճեշ ք-ի մոտ թողած արձանագրությունում Արգիշտի Բ հիշատակում է քաղաքի, արհեստական լճի և ջրանցքի կառուցման մասին:

Մ.թ.ա. 681-ին նրա մոտ ապաստանել են Ասորեստանի Սինախերիբ (Աենեքերիմ) թագավորի հայրասպան որդիներ Ադրամելիքն ու Շարաշարան (Սանասար):

Արգիշտի Բ կազմակերպել է մարզական խաղեր, անձամբ մասնակցել մրցումներին:

Գրակ.
Пиотровский Б. Б., Ванское царство (Урарту), М., 1959.