ԱՐՄԵՆ ՕՀԱՆՅԱՆ (ՏԵՐ-ՕՀԱՆՅԱՆ) ԷՄԱՆՈՒԵԼԻ

Գործունեությունը` Դերասան, Պարող

Բնակավայրը` Մեքսիկա

Օրիորդական ազգանուն-անունը՝ Սոֆյա Փիրբուդադյան

Պարուհի, դերասանուհի:

Ծնվ. 1887թ., ք. Շամախի (Ադրբեջան):
Մահ. 1976թ., Մեխիկո:

Սովորել է Սորբոնի համալսարանում (1914-16), ավարտել Մեխիկոյի ազգ. համալսարանը (1950): 1906- 1908-ին խաղացել է Բաքվի, Նոր Նախիջևանի հայկական թատրոններում, ապա՝ ՄԳԹ-ում: Մոսկվայում սովորել է Կ. Ստանիսլավսկու թատերական ստուդիայում և Լ. Նելիդովայի պլաստիկայի դպրոցում:
1909-ին՝ Թիֆլիսի օպերային թատրոնի մենապարուհի:
1910-ին Թեհրանում հիմնել է Պարսկաստանում առաջին եվրոպական տիպի թատրոնը, բեմադրել Գոգոլի «Ռևիզորը» (Մարիէս Անտոնովնայի դերում՝ Օ.), Փարիզում խաղացել է Սեդայի դերը (Շանթի «Հին աստվածներ»), մասնակցել է Մ. Մ. Ջանանի լոնդոնյան հյուրախաղերին (1921):
1910-50-ին հռչակվել է արևելյան պարերի կատարումներով («Հաշիշ», «Մենություն», «Աալոմե», «Անահիտի տաճարում» ևն):
1927-ից բնակվել է Մեխիկոյում,
1936-ին հիմնել պարի դպրոց:
Հեղինակ է Ա. Պուշկինի, Լ. Տոլստոյի («Տոլստոյը և ռուս գյուղացիության պայքարը»), Մ. Գորկու («Մ. Գորկին և նրա ժամանակը ») և ուրիշների մասին մենագրությունների (իսպ.), «Շամախեցի պարուհին» (1920, Փարիզ, Անատոլ Ֆրանսի առաջաբանով), «Աշխարհի մեկ վեցերորդ մասում» (ֆրանս.,1928), «Երջանիկ Հայաստան» (1946, ժող.) և այլ գրքերի:
Այցելել է Հայաստան (1926, 1958):