ԱՐՏԵՄ ԱԼԻԽԱՆՅԱՆ ԻՍԱՀԱԿԻ

Գործունեությունը` Գիտնական

Բնակավայրը` Հայաստան

Հղումներ` hy.wikipedia.org
www.sci.am
www.armedia.am

Ֆիզիկոս: Ֆիզմաթ գիտ. դ-ր (1940) պրոֆ. (1942), ԽՍՀՄ ԳԱ թղթ. անդամ (1946) ՀԽՍՀ ԳԱ ակադ. (1943):

Ծնդ. 24. 06. 1908թ. Թիֆլիս:
Մահ. 25.02.1978թ., Մոսկվա, թաղված է Երևանում:

Ա. Հ. Ալիխանովի եղբայրը:

Ավարտել է Լենինգրադի համալսարանը (1931):
1943-73-ին` ԵՖԻ տնօրեն:
1946-60-ին` Մոսկվայի ճարտարագիտաֆիզ. ինստիտուտի տարրական մասնիկների լաբորատորիայի վարիչ:
Աշխատությունները վերաբերում են միջուկային ֆիզիկային, տիեզերական ճառագայթների և տարրական մասնիկների ֆիզիկային, արագացուցիչների տեսությանը և ստեղծմանը:

1934-ին Ա. Ալիխանովի և Մ. Կոզադաևի հետ հայտնաբերել է գրգըռված միջուկներից էլեկտրոն-պոզիտրոն զույգերի առաքման երևույթը,
1936-ին Ալիխանովի և Լ. Արցիմովիչի հետ փորձով հիմնավորել իմպուլսի պահպանման օրենքը էլեկտրոն-պոզիտրոն զույգերի անիհիլացման ժամանակ:
1942-ին Ալիխանովի հետ հիմնադրել է Արագածի տիեզերական ճառագայթների հետազոտման կայանը, հայտնաբերել լիցքավորված մասնիկների «նեղ» հեղեղները (1943), մեծ էներգիայով պրոտոնների առատ հոսքի գոյությունը տիեզարական ճա-ռագայթներում (1945), տիեզերական նեյտրոնների ազդեցությամբ ատոմից արագ պրոտոններ անջատվելու երևույթը (1950):
Ալիխանովի հետ փորձարարական հետազոտությունների հիման վրա ԱՌԱՋԻՆՆ է նշել (1946) տարրական նոր մասնիկների գոյությունը տիեզերական ճառագայթներում:
Ա.Ալիխանյանը ստեղծել և կատարելագործել է մեծ էներգիայով մասնիկների հետազոտման սարքեր (մագնիս. մասսպեկտրոմետր, բշտիկային և կայծային խցիկներ):

Ա.Ալիխանյանի նախաձեռնությամբ ստեղծվել է Երևանի էլեկտրոնային օղակաձև արագացուցիչը:

Կազմակերպել է Մոսկվայի ճարտարագիտաֆիզ. ինստիտուտի միջուկային ֆիզիկայի ամբիոնը (1946), հիմնադրել Նոր Ամբերդի կայանը (1958), ղեկավարել տեսական և փորձարարական ֆիզիկայի Նոր-Ամբերդի դպրոցը:

Արժանացել է ԽՍՀՄ Պետ. (1941,1948) և Լենինյան (1970) մրցանակների: