ԲԱԲԿԵՆ ԿՅՈՒԼԵՍԵՐՅԱՆ

Գործունեությունը` Կրոնական գործիչ

Բնակավայրը` Հայաստան

Հղումներ` historyarmenia.org

Եկեղեցական գործիչ, պատմաբան, բանասեր, խմբագիր,
1928-ից՝ Մեծի Տանն Կիլիկիո Բաբկեն Ա-ի աթոռակից կաթողիկոս:

Ավազանի անունը՝ Հարություն:

Ծնվ. 23.03.1868թ., Այնթապ (Կիլիկիա):
Մահ. 09.07.1936թ., Անթիլիաս, թաղված է Հալեպի Ս. Քառասուն մանկունք եկեղեցու զավթում:

Սովորել է ծննդավայրի Վարդանյան վարժարանում (1885-89), Արմաշի դպրեվանքում (1889-96):

1896-ին ստացել է վարդապետական աստիճան,
1910-ին ձեռնադրվել եպիսկոպոս,
1931-ին՝ արքեպիսկոպոս:
1899-ին՝ Տարոնի ընդհանուր վանահայր և առաջնորդ. տեղապահ:
Զորավար Անդրանիկի հետ մտերմություն ունենալու կասկածով՝ 1900-ի վերջին ձերբակալվել է Մուշում. ազատվել է Մ. Օրմանյանի ջանքերով:
1901-ին՝ Կ. Պոլսի Ազգային մատենադարանի գրադարանապետ:
Ուսուցչություն է արել տեղի Պերպերյան, Կեդրոն, և այլ վարժարաններում:
1905-06-ին խմբագրել է «Լույս» (Կ. Պոլիս),
1918-19-ին՝ «Տավրոս» (Բոստոն) պարբները:
1914-22-ին՝ քահանա ԱՄՆ-ի հայաշատ վայրերում:
1924-ից դասավանդել է Երուսաղեմի ժառանգավորաց վարժարանում,
1927-ին ձեռնարկել «Սիոն» հանդեսի վերահրատարակումը,
1932-ին հիմնել ու խմբագրել է «Հասկ» հանդեսը:

Աշխատակցել է «Հանդես ամսօրյա», «Բյուզանդիոն», «Բյուրակն», «Արարատ» և այլ պարբերականների, գրել Հայ եկեղեցու և գաղթավայրերի պատմությունը, բանասիրազգագրական, կրոնաաստվածաբանական հարցերին վերաբերող աշխատություններ, կազմել կրոնագիտության ձեռնարկներ, ձեռագրացուցակներ:

Երկեր.
Եղիշե: Քննական ուսումնասիրութիւն, Վնն., 1909:
Ծովք: Շովք-Տլուք և Հռոմ-Կլայ, Վնն., 1904:
Քաջն Վարդան, Բոստոն, 1920:
Իսլամը հայ մատենագրութեան մէջ, Վնն., 1930:
Հայ եկեղեցի. Ուսումնասիրութիւններ, Երուսաղեմ, 1930:
Պատմութիւն կաթողիկոսաց Կիլիկիո, Անթիլիաս, 1939:

Գրակ.
Ակինյան Ն., Բաբկեն Ա կաթողիկոս Տանն Կիլիկիո, «ՀԱ», 1936, №7: