ԳԱԳԻԿ Ա

Գործունեությունը` Թագավոր

Բնակավայրը` Հայաստան

Հղումներ` hy.wikipedia.org
www.encyclopedia.am

Ծննդյան թիվն անհայտ է:
Մահ. 1020թ.:

Հայոց Բագրատունի արքա 989-ից:

Հաջորդել է եղբորը՝ Սմբատ Բ-ին,
կրել «Հայոց և Վրաց շահնշահ» տիտղոսը:
Հաջողությամբ շարունակել է պայքարը՝ Հայաստանը միասնական թագավորության մեջ միավորելու համար:
Ստեղծել է 100 հազարանոց արքունի մշտական զորք՝ «մարզպետական գունդ»:
Կարսի Աբաս, Տաշիր-Ձորագետի Դավիթ թագավորների, Տայքի Դավիթ Կյուրապաղատի, ինչպես նաև Վրաց թագավորներ Բագրատի և Գուրգենի զինակցությամբ՝ 998-ին Տուրուբերան նահանգի Ծումբ գյուղի մոտ տեղի ունեցած ճակատամարտում հետ է մղել արաբական ամիրայությունների հարձակումներն ու ամրապնդել պետության դիրքերը:

ԳԱԳԻԿ Ա-ի գերիշխանությունը ճանաչել են Տաշիր-Ձորագետի, Կարսի և Սյունիքի հայկական թագավորությունները:
Նրա օրոք թագավորության սահմանները հս-ում հասել են մինչև Կուր գետը, հվ-ում՝ Ծաղկանց լեռներ, արմ-ում՝ Բասեն, արլ-ում՝ Ուտիք:
Զարգացել է երկրի տնտեսությունը, մշակույթը, արհեստագործությունը, առևտուրը, բարգավաճել են Անին, Դվինը:
Անիի 1905-06-ի պեղումների ժամանակ գտնվել է ԳԱԳԻԿ Ա-ի արձանը (2,26 մ բարձր.):