GAGIK ABASYAN / ԳԱԳԻԿ ԱԲԱՍՅԱՆ

Գործունեությունը` Թագավոր

Բնակավայրը` Հայաստան

Ծննդյան թիվն անհայտ է:
Մահ. 1081թ.:

Կարսի թագավորության (963-1065) վերջին գահակալը (1029-ից):

Հաջորդել է հորը՝ Աբաս Բագրատունուն. Բագրատունիների թագավորության (885-1045) անկումից հետո ԳԱԳԻԿ ԱԲԱՍՅԱՆը դարձել է Բագրատունիների տոհմի ավագ ներկայացուցիչը, կրել «շահնշահ» տիտղոսը:

Հովանավորել է գիտությունը և արվեստները, նրա արքունիքում գործել է ճեմարան, ինքը գրել է ոտանավորներ:

1050-ական թթ. սելջուկյան թուրքերի հարձակումները, չնայած ԳԱԳԻԿ ԱԲԱՍՅԱՆի կողմից կազմակերպած համառ պաշտպանությանը, Կարսի թագավորության համար ստեղծել են ծանր վիճակ:

Սելջուկյան նոր արշավանքից հարկադրված՝ ԳԱԳԻԿ ԱԲԱՍՅԱՆը 1065-ին իր տիրույթները հանձնել է Բյուզանդիային, փոխարենը Փոքր Հայքում ստացել կալվածքներ՝ Ծամնդավ, Լարիսա, Ամասիա, Կեսարիա, Կոմանա, Խավարտանեք քաղաքներով:

ԳԱԳԻԿ ԱԲԱՍՅԱՆը նպաստել է Կիլիկիայում հայկական պետության ստեղծմանը: