GAGIK ARCRUNI / ԳԱԳԻԿ ԱՐԾՐՈՒՆԻ

Գործունեությունը` Թագավոր

Բնակավայրը` Հայաստան

Հայտնի է նաև որպես՝ Գագիկ-Խաչիկ

Ծնվ, 879թ.:
Մահ. մոտ 943թ.:

Վասպուրականի թագավոր 908-ից:

Արծրունիների նախարար, տոհմից:

904-ին ավագ եղբոր՝ Աշոտի մահից հետո դարձել է Վասպուրականի իշխանապետ, ապա կրտսեր եղբոր՝ Գուրգենի հետ բաժանել նահանգի տարածքը:

Հաջողությամբ պայքարել է կենտրոնախույս ուժերի, Ատրպատականում և Կորճայքում հաստատված օտարազգի իշխանությունների դեմ, Վասպուրականին է միացրել Մոկքը, արաբներից ազատագրել Ամյուկ ամրոցը, Պարսկահայքի Տամբեր և Ըռնա գավառները, Կորճայքի Ապուջաիրի բերդը:

Հակադրվել է Հայոց արքա Սմբատ Ա-ին, որը Նախճավանը Վասպուրականից անջատել և հանձնել է Սյունիքին:

Ատրպատականի կառավարիչ Յուսուփը, Հայաստանը մասնատելու և թուլացնելու նպատակով, 908-ին ԳԱԳԻԿ ԱՐԾՐՈՒՆուն տվել է թագ և «Հայոց թագավոր» տիտղոս, որով հիմնադրվել է Վասպուրականի թագավորությունը (մինչև 1021):

ԳԱԳԻԿ ԱՐԾՐՈՒՆԻն մասնակցել է Սմբատ Ա-ի դեմ Յուսուփի գործողություններին և իր կենտրոնախույս քաղաքականությամբ ջլատել Հայաստանի միասնությունը, սակայն, ըմբռնելով Յուսուփի նպատակը, շուտով լքել է նրան:

915-ին Վասպուրականին է միացրել Այրարատի Կոգովիտ, Բագրևանդ և Մասյացոտն գավառները, իսկ 927-ին՝ նպաստել կաթողիկոս, աթոռի Դվինից Աղթամար տեղափոխմանը (մնացել է մինչեւ 948-ը):
929- ին թագադրել է Աբաս Բագրատունուն, իսկ 936-ին աջակցել նրան՝ Գիլանի ամիրայի դեմ պատերազմում:

Ծավալել է շինարարական գործունեություն. նրա օրոք վերաշինվել են Ոստանը, Վանը, կառուցապատվել Աղթամարը: