ԳԱԳԻԿ Բ

Գործունեությունը` Թագավոր

Բնակավայրը` Հայաստան

Ծնվ. մոտ 1024թ.:
Մահ. 1079թ.:

Հայոց Բագրատունի թագավոր 1042-45-ին:

Գահակալել է երկրի համար ծանր վիճակում, երբ Հովհաննես-Սմբատի մահից հետո Բյուզանդիան փորձել է գրավել վերջինիս կողմից 1023-ին կտակած Բագրատունիների տիրույթները՝ Անի մայրաքաղաքով:

Հայոց զորքը և Անիի բնակչությունը Վահրամ Պահլավունու գլխավորությամբ պարտության են մատնել բյուզանդական զորքին և գահ բարձրացրել Աշոտ Դ-ի որդուն՝ 18-ամյա ԳԱԳԻԿ Բ-ին:

Բյուզանդական կայսր Կոստանդին IX Մոնոմաքոսը բանակցելու պատրվակով Կոստանդնուպոլիս է հրավիրել ԳԱԳԻԿ Բ-ին, կալանավորել է նրան և հարկադրել հրաժարվել գահից:
Իբրև փոխհատուցում՝ ԳԱԳԻԿ Բ-ն Կապադովկիայում ստացել է Պիզու ու Կալոն-Պեղատ փոքր քաղաքները:
1045-ին բյուզանդական զորքերը նվաճել են Անին և կործանել Բագրատունիների թագավորությունը: 1065-ին կայսր Կոստանդին X Դուկասի հրավիրած ժողովում Գ. Բ պաշտպանել է Հայոց եկեղեցու դավանանքն ու ինք-նուրույնությունը: Դավադրաբար սպանվել է բյուզանդացիների ձեռքով: