ԳԱԼՈՒՍՏ ԱՐԽԱՆՅԱՆ - ՀԱՋԻ ԲԵԿ

Գործունեությունը` Ազգային-ազատագրական շարժման գործիչ, Ֆիդայի

Բնակավայրը` Հայաստան

Ծնվ. 1870թ., գ. Փոքր Արմտակ (էրզրումի նահանգի Կուռուչայ գավառ):
Մահ. 1905թ., Երզնկա:

Հայ ազգ-ազատագրական շարժման գործիչ, ֆիդայի:

ՍԴՀԿ անդամ:

Սովորել է ծննդավայրի դպրոցում:

Աշխատել է Կ. Պոլսում, որտեղ ծանոթացել է հնչակյան գործիչների հետ և ընդգրկվել հեղափոխական շարժման մեջ:

Մասնակցել է Գումգափուի ցույցին (1890-ի հուլիսի 15):
Իր միջոցներով զենք է գնել և փոխադրել Արմտան:

1891-ին կազմակերպել է ֆիդայիների խումբ,
1892-ին բախումներ ունեցել Դերսիմի և Օվաճըկի քրդերի հետ, որոնք ավարտվել են հաղթանակով:

Գործակցել է Ռ. Շիշմանյանի հետ:
Բազմիցս կարողացել է սանձել հայ գյուղացիությանը կեղեքող քուրդ ավազակախմբերին:
1893-ի սեպտեմբերին ԳԱԼՈՒՍՏ ԱՐԽԱՆՅԱՆի խումբը պաշարվել է Փոքր Արմտանում:
Թուրքական զորքի հետ եռօրյա մարտում հայդուկների մեծ մասը նահատակվել կամ վիրավորվել է, իսկ զինամթերքը սպառվելուց հետո ԳԱԼՈՒՍՏ ԱՐԽԱՆՅԱՆը ստիպված հանձնվել է և տեղափոխվել Երզնկայի բանտ, որտեղ էլ մահացել է:
Ստացել է «Մնձուրի առյուծ» պատվանունը:
Վ. Փափազյանը նրա կերպարը մարմնավորել է «Հաջի բեկ» վիպակում: