ԳԱԼՈՒՍՏ ԳԱԼՈՅԱՆ ԱՆՈՒՇԱՎԱՆԻ

Գործունեությունը` Պատմաբան

Բնակավայրը` Աբխազիա

Հղումներ` www.sci.am
hy.wikipedia.org

Պատմաբան, կուս. գործիչ:
Պատմ. գիտ. դ-ր (1963), պրոֆ. (1964), ՀՀ ԳԱԱ ակադ. (1982, թղթ. անդամ՝ 1971-ից):

Ծնվ. 01.03.1927թ., գ. Փոքր Պարնի (այժմ՝ գ. Անուշավան՝ ՀՀ Շիրակի մարզում):
Մահ. 21.08.2003թ.:

Ա.Ա. Գալոյանի եղբայրը:

ՀամԿ(բ)Կ անդամ 1946-ից:

Ավարտել է ԵՊՀ միջազգ. հարաբերությունների ֆակ-ը (1950),
ԽՄԿԿ կենտկոմին առընթեր հաս. գիտ. ակադ. (1955, Մոսկվա):

1955-63-ին՝ ՄԼԻ հայկական մասնաճյուղում ավագ գիտաշխատող, փոխտնօրեն, բաժնի վարիչ,
1963-79-ին՝ ՀԽՍՀ ԳԱ Պատմության ինստ-ի տնօրեն,
1979-82-ին՝ ՀԽՍՀ ԳԱ ակադ-քարտուղար,
1982-88-ին՝ փոխնախագահ,
1988-91-ին՝ ՀԿԿ կենտկոմի քարտուղար:

Աշխատությունները վերաբերում են Անդրկովկասում և Հայաստանում բանվոր. շարժումների, կոմկուսի ձևավորման և ազգ. հարցերին («Բանվորական շարժումը և ազգային հարցը Անդրկովկասում 1900-1922», ռուս., 1969, «Ռուսաստանը և Անդրկովկասի ժողովուրդները», ռուս., 1976, հայ. հրտ.՝ 1978, «Հոկտեմբերյան հեղափոխությունը և Անդրկովկասի ժողովուրդների վերածնունդը», ռուս., 1977):

«Պատմության քառուղիներում» (1982) աշխատության մեջ հեղինակը վեր է հանել Հայոց ցեղասպանության պատճառներն ու նախադրյալները, Թուրքիայի կառավարող շրջանների կողմից հայերի ոչնչացման եղանակով Հայկ. հարցի «լուծման» քաղաքականության մշակումը և եզրակացրել, որ դարավերջին ստեղծված հայ ազգ. քաղ. կուսակցությունները չեն կարողացել հաղթահարել եվրոպ. տերությունների նկատմամբ պատրանքները՝ նրանց հետ կապելով Հայկ. հարցի լուծման հույսերը:

«Հայաստանի կոմունիստական կուսակցության պատմության ուրվագծեր»-ի (1967),
«Հայ Ժողովրդի պատմություն» (հ. 7, 1967) բազմահատորյակի հեղինակներից է:

ԽՍՀԱ Ժող. պատգմ. (1989-91):

Երկեր.
Մայիսյան հերոսական ապստամբությունը, Ե., 1960:
Հայաստանը և մեծ տերությունները 1917- 1923 թթ., Ե., 1999:
Հայաստանը մեծ տերությունների աշխարհակալական առճակատումներում (XVI- 1917 թ.), Ե., 2004: Борьба за Советскую власть в Армении, М., 1957;
Социалистическая революция в Закавказье в освещении буржуазной историографии, М., 1960.