GEVORG B GARNECI / ԳԵՎՈՐԳ Բ ԳԱՌՆԵՑԻ

Գործունեությունը` Կրոնական գործիչ

Բնակավայրը` Հայաստան

Ծննդյան թիվն անհայտ է:
Մահ. 897թ., Վասպուրական, ամփոփվել է Ձորավանքում:

Ամենայն հայոց կաթողիկոս 877-ից:

Հաջորդել է Զաքարիա Ա Ձագեցուն:

Մի քանի նախարարների հետ Արաբական խալիֆայության առջև բարձրացրել է հայկական պետականության վերականգնման հարցը, սատարել է իշխանաց իշխան Աշոտ Բագրատունուն (կաթողիկոս էր կարգվել նրա աջակցությամբ), իսկ 885-ին նրան օծել Հայոց թմյգավոր (Աշոտ Ա):

Ջանացել է կարգավորել Վասպուրակաևի Արծրունիների ու Տարոնի Բագրատունիների, ինչպես նաև Հայոց արքա Սմբատ Ա Բագրատունուն նրա հորեղբայր Աբասի միջև վեճերն ու գժտությունները:

894-ին Ատրպատականի ամիրա Ավշինը ձերբակալել է հաշտության առաջարկով իր մոտ եկած ԳԵՎՈՐԳ Բ ԳԱՌՆԵՑուն և երկու ամիս անց ազատել փրկագնով:

Կաթողիկոսական գահին ԳԵՎՈՐԳ Բ ԳԱՌՆԵՑուն հաջորդել է Մաշտոց Ա Եղիվարդեցին: