GURGEN - BAXDASAR MALYAN / ԳՈՒՐԳԵՆ - ԲԱՂԴԱՍԱՐ ՄԱԼՅԱՆ

Գործունեությունը` Ազգային-ազատագրական շարժման գործիչ

Բնակավայրը` Հայաստան

Հայ ազգային-ազատագրական շարժման գործիչ:

Ծնվ. 1873թ. գ. Վերին Ագուլիս (Գողթան գավառ):
Մահ. 1899թ., գ. Ցրոնք (Մշո գավառ), թաղված է Մուշի Ս. Մարինե թաղի գերեզմանատանը:

ՀՀԴ կուսակցության անդամ:

1894-96-ին ծառայել է ռուսական բանակում:

1897-ի հուլիսին Վազգենի խմբի (40 հոգի) կազմում անցել է Վան, մասնակցել Բերկրիում, Սպահան լճի մոտ քրդերի դեմ տեղի ունեցած կռիվներին:

Խլաթում ձեռնամուխ է եղել ընդհանուր ապստամբության կազմակերպման աշխատանքներին, համագործակցել Հրայրի հետ:

Բիթլիսում կազմակերպել է ոստիկանապետ Հիլմիի ահաբեկումը:

Քաջությամբ աչքի է ընկել 1896-ի Գետի և 1898-ի Կոփի կռիվներում:

ԳՈՒՐԳԵՆը բացառել է վաղաժամ հայդուկային շարժումները և ժողովրդին զինելով՝ նախապատրաստել է ընդհանուր ապստամբության:

Ցրոնք գյուղում հայդուկների հետ կազմակերպչական հարցերի շուրջ բանակցելիս մատնությամբ պաշարվել է, զոհվել անհավասար կռվում: