ԳՈՒՐԳԵՆ ՋԱՆԻԲԵԿՅԱՆ (ՏԵՐ-ԽԱՉԱՏՐՅԱՆ) ՋԱՆԻԲԵԿԻ

Գործունեությունը` Դերասան

Բնակավայրը` Հայաստան

Հղումներ` www.encyclopedia.am
hy.wikipedia.org

Դերասան:
ՀԽՍՀ (1938), ԽՍՀՄ (1967) ժողովրդական արտիստ:

Ծնվ. 18(30).05.1897թ., Երևան:
Մահ. 27.09.1978թ., Երևան:

Կ.Գ. Ջանիբեկյանի հայրը:

Ավարտել է Երևանի ուսուցչական սեմինարիան (1917):
1917-20թթ-ին մասնակցել է Մ. և Ա. Գարագաշների օպերետային, Զարիֆյան-Աբելյան խմբերի ներկայացումներին:

1922թ-ին՝ Ա. Խարապանի շրջիկ թատրոնի,
1922-23-ին՝ Ա. Արմենյանի թատերախմբի (Ալեքսանդրապոլ),
1923-24-ին՝ Թիֆլիսի Հայ դրամայի,
1924-ից՝ Երևանի Առաջին պետթատրոնի (այժմ՝ Սունդուկյանի անվ.) դերասան (1965-67թթ-ին՝ նաև տնօրեն),
1940-1949թթ-ին՝ ՀԹԸ նախագահ:
1947-49-ին դասավանդել է ԵԹԻ-ում:

Լավագույն դերերից են՝ Բագրատ (Շիրվանզադեի «Պատվի համար»), Գրիգոր աղա (Վրթ. Փափազյանի «Ժայռ», նաև կինոյում, 1973), Մարգար (Ա. Պապայանի «Աշխարհն, այո, շուռ է եկել»), Վասկա Պեպել (Գորկու «Հատակում»), Իվան Գոռլով (Կոռնեյչուկի «Ռազ-մաճակատ»), Գաև (Չեխովի «Բալի այգին»), Վառավին (Սուխովո-Կոբիլինի «Դատական գործ»), Սոլոմոն (Միլլերի «Գինը»), Օթելլո, Համլետ (Շեքսպիրի «Օթելլո», «Համլետ») և այլն:

Մասնակցել է բազմաթիվ ռադիոբեմադրությունների:

Նկարահանվել է կինոյում («Զանգեզուր», 1938, «Ամպրոպի արահետով», 1956, «Սարոյան եղբայրներ», 1968, «Հնձան», 1973, բոլորը՝ Հայֆիլմ):

ԳՈՒՐԳԵՆ ՋԱՆԻԲԵԿՅԱՆի արվեստին բնորոշ էր կերպարի սոցիալ-կենցաղային ճշգրիտ, մանրամասն և ցայտուն վերարտադրությունը:

Խորհրդահայ բեմում «հակառակորդ» ամպլուայի անփոխարինելի դերակատար էր:
Հեղինակ է «Բարեկամներիս մասին» (1965), «Իմ աշխարհից» (գիրք 1, 2, 1977, 1980) հուշերի, գրքերի, հոդվածների:

ԳՈՒՐԳԵՆ ՋԱՆԻԲԵԿՅԱՆի անունով կոչվել է փողոց Երևանում:

Պարգևատրվել է.
ԽՍՀՄ Պետական մրցանակով (1952):

* * * *
«Գուրգենն իբրև արտիստ կանգնած է մեր բեմական արվեստի գլխավոր սյունաշարում՝ Հրաչյա Ներսիսյանի, Վաղարշ Վաղարշյանի, Ավետ Ավետիսյանի և նրանց հավասարների կողքին: Առանց Գուրգեն Ջանիբեկյանի, դժվար է պատկերացնել Սունդուկյանի թատրոնն իր շողշողուն պատմությամբ»:
Նաիրի Զարյան, գրող

* * * *
«Ոչ ոք այնքան հայ չէ բեմում, որքան Գուրգենը»:
Վահրամ Փափազյան, դերասան

* * * *

Գրակ.
Գուրգեն Ջանիբեկյան, Ալբոմ-ժող. (կազմ. Լ խմբ.՝ Լ. Սամվելյան), Ե., 1970:
Սարուխանյան Ս., Գուրգեն Ջանիբեկյան, Ե., 1972: