GRIGOR AKNERCI / ԳՐԻԳՈՐ ԱԿՆԵՐՑԻ

Գործունեությունը` Պատմաբան

Բնակավայրը` Հայաստան

Ծննդյան և մահվան թվերն անհայտ են:

XIII դ. պատմագիր և գրիչ:

1265/1266-ին Արլ. Հայաստանից մեկնել է Կիլիկիա, դարձել Ակներ վանքի միաբան:
1273-ին ընդօրինակել է Միքայել Ասորու «ժամանակագրութիւնը»:
ԳՐԻԳՈՐ ԱԿՆԵՐՑու «Պատմութիւն ազգին նետողաց» կամ «Պատմութիւն թաթարաց» երկը (մեզ է հասել բնօրինակով) Հայաստանում մոնղոլական տիրապետության ժամանակաշրջանի կարևոր սկզբնաղբյուր է (ընդգրկում է 1220-73-ի իրադարձությունները):
Չնայած ժամանակագրական որոշ շփոթին և սահմանափակ ընդգրկմանը՝ այն արժեքավոր տեղեկություններ է հաղորդում ժամանակի տնտեսական և քաղաքական կյանքի, մոնղոլների կրոնի, հավատալիքների, կենցաղի և սովորույթների մասին:
ԳՐԻԳՈՐ ԱԿՆԵՐՑու երկը սխալմամբ վերագրվել է Վարդան Արևելցուն կամ ոմն Մաղաքիա Աբեղայի:
Հետագայում «Պատմության» անգլ., վրաց. և թուրք, (զուգահեռ՝ հայ. բնագրով) թարգմանությունները լույս են տեսել հեղինակի անունով:

Երկեր.
Պատմութիւն թաթարաց, 2 հրտ., Երուսաղեմ, 1974:

Գրակ.
Ակինյան Ն., Գրիգոր քահանա Ակներցի, ՀԱ, 1948, № 7-8: