GRIGOR GEZYAN (Kyozeyan) - BULXARACI GRIGOR / ԳՐԻԳՈՐ ԳԵԶՅԱՆ (Կյոզեյան) - ԲՈՒԼՂԱՐԱՑԻ ԳՐԻԳՈՐ

Գործունեությունը` Ազգային-ազատագրական շարժման գործիչ

Բնակավայրը` Հայաստան

Ծննդյան թիվն անհայտ է, Կարին:
Մահ. 1922թ., Կ. Պոլիս:

Հայ ազգ-ազատագրական շարժման մարտիկ:

Փոքր տարիքում ծնողների հետ գաղթել է Բուլղարիա:

Երիտասարդ հասակում եկել է Արլ. Հայաստան. Ալեքսանդրապոլում, Հառիճում և Գանձակում զբաղվել է զինագործությամբ:

Խուսափելով ցարական իշխանությունների հետապնդումից՝ տեղափոխվել է Ղարաբաղ, ապա՝ Վան:

1915-ի Վանի հերոսամարտի ժամանակ (ապրիլ-մայիս) եղել է զինվորական մարմնի անդամ, մասնակցել թուրքական հրոսակախմբերի դեմ մարտական գործողություններին, ձուլել 3 թնդանոթ, պատրաստել ռումբեր:

Վանի առաջին (1915) և երկրորդ (1916) գաղթերի ժամանակ չի հեռացել քաղաքից, շարունակել է պայքարը՝ լինելով նախ զինվորական կոմիսար, ապա՝ ոստիկանապետ:
1918-ի մարտի 21- ին, որպես զինվորական մարմնի ներկայացուցիչ, ստորագրել է Վանից հայերի վերջնական գաղթի հրամանը, այդ խմբի հետ եկել Թիֆլիս, այնտեղից անցել է Երևան, ապա՝ Կ. Պոլիս: