ԳՐԻԳՈՐ ԳՐԻԳՈՐՅԱՆ ԱՐՇԱԿԻ

Գործունեությունը` Զինվորական գործիչ

Բնակավայրը` Հայաստան

Ծնվ. 1898թ., Ալեքսանդրապոլ (այժմ՝ Գյումրի):
Մահ. 27.03.1970թ., Լենինգրադ:

Խորհրդային բանակի գեներալ-մայոր (1943):

Ավարտել է Կիևի ռազմական (1928), Նովոչերկասկի բարձրագույն հեծելազորային (1931) դպրոցները, Մոսկվայի Մ. Ֆրունզեի անվ. ռազմական ակադեմիան (1942):

1917-ին կռվել է կարմիր գվարդիայի շարքերում:

Քաղաքացիական պատերազմի ժամանակ ծառայել է 1-ին հեծյալ բանակում, մասնակցել Դենիկինի, Վրանգելի, Լեհաստանի դեմ կռիվներին:

Հետագայում Հայկական լեռնահրաձգային դիվիզիայում եղել է առանձին հեծյալ էսկադրոնի հրամանատար,

Հայրենական պատերազմում (1941-45)՝ դիվիզիայի հրամանատար:

Մասնակցել է Ուկրաինայի, Բելոռուսիայի, Լեհաստանի ազատագրմանը: