GRIGOR E QARAVEJ / ԳՐԻԳՈՐ Ե ՔԱՐԱՎԵԺ

Գործունեությունը` Կրոնական գործիչ

Բնակավայրը` Հայաստան

Ծննդյան թիվն անհայտ է:
Մահ. 1194թ., ամփոփվել է Դրազարկի վանքի գերեզմանատանը (Կիլիկիայի հս-արլ-ում):

Ամենայն հայոց կաթողիկոս 1193-ից:

Հաջորդել է Գրիգոր Դ Տղային:

Պահլավունիների կաթողիկոսական (1066- 1203) տոհմից:

Նրա ընտրությունը պաշտպանել է բուն Հայաստանի հս-արլ. շրջանների հոգևորականությունը, որը դեմ էր ծիսական և դավանական նորամուծություններին:

Վարել է Հայ եկեղեցու անկախությունը և ավանդական դիմագիծը պահպանելու հակաբյուզանդական քաղաքականություն:

Ամբաստանվել է հակառակորդներից, ապա Լևոն Բ-ի հրամանով ձերբակալվել և ուղարկվել Կոպիտառ բերդը:

Լևոն Բ թուղթ է գրել Հայաստանի հոգևորականներին՝ նրանց կարծիքն իմանալու համար, սակայն, մինչ պատասխան ստանալը, կաթողիկոսին գտել են բերդի պարիսպների մոտ անշնչացած ընկած (այդտեղից էլ՝ Քարավեժ մականունը):

Կաթողիկոսական գահին ԳՐԻԳՈՐ Ե ՔԱՐԱՎԵԺին հաջորդել է Գրիգոր Զ Ապիրատը: