ԳՐԻԳՈՐ ԼՈՒՍԻԿԵՆՑ (ԼՈՒՍԻԿՈՎ) ՄԱՏԹԵՈՍԻ

Գործունեությունը` Գործարար

Բնակավայրը` Հայաստան

XVII դ. 2-րդ կեսի քաղ. գործիչ,
Նոր Ջուղայի հայ առևտրական ընկերության ղեկավար:

Ծննդյան և մահվան թվերն անհայտ են:

1666-ին ընկերության հանձնարարությամբ մեկնել է Մոսկվա, պայմանագիր կնքել (31.05.1667) Ռուսաստանի հետ՝ պարսկական ապրանքները Նովգորոդի և Արխանգելսկի տարածքով Եվրոպա արտահանելու համար:
1671-ին կրկին մեկնել է Մոսկվա և Ալեքսեյ Միխայլովիչ ցարին ներկայացրել հայ խոջաների ուղերձը, ընդլայնել ու վերակնքել (07.02.1673թ.) նախկին պայմանագիրը:

ԳՐԻԳՈՐ ԼՈՒՍԻԿԵՆՑը, որպես պարսկական շահի դեսպանորդ, միաժամանակ ձգտել է ստեղծել Ռուսաստանի, Լեհաստանի և Իրանի ռազմաքաղաքական դաշինք՝ ընդդեմ Թուրքիայի:

Առնտրական գործերով եղել է նաև Արևմտյան Եվրոպայում: