ԳՐԻԳՈՐ ԽՈՒԼ

Գործունեությունը` Երաժիշտ

Բնակավայրը` Հայաստան

Ծննդյան և մահվան թվերն անհայտ են:

XII-XIII դդ. երաժիշտ, խազագետ, տեսաբան:

Գործել է Սսում:

Եղել է հոգևոր երգի մեղեդիական, ազգ-ավանդական մաքրության պաշտպաններից:

Ըստ ավանդության՝ երաժշտության աշխարհիկ-նորաձևային արտահայտություններից չգայթակղվելու համար «մոմով խցանել է» ականջները (այստեղից էլ՝ Խուլ):

XIII դ. սկզբից վերանայել, կազմել ու խմբագրել է «Շարակնոցը» (հայտնի է «Խլկցի» անունով, ընդօրինակվել է մինչև XVIII դ.), որը Ներսես Շնորհալուց հետո ստեղծված առավել ամբողջական և պաշտոնապես վավերացված ժողովածուն է:

«Խլկցի» նախօրինակից ընդօրինակված, գիտությանը հայտնի հնագույն «Շարակնոցը» Վիեննայի Մխիթարյան մատենադարանի 1269-ի № 145 գրչագիրն է: