ԳՐԻԳՈՐ ԾԱՂԿՈՂ

Գործունեությունը` Ծաղկող, Մանրանկարիչ

Բնակավայրը` Հայաստան

Ծննդյան և մահվան թվերն անհայտ են:

XIII դ. մանրանկարիչ:

Պատկերազարդել է «Թարգմանչաց Ավետարանը» (1232թ., գրիչ՝ Տիրացու, առաջին ստացող՝ Հովհաննես ավագերեց, Մատենադարան, ձեռ. № 2743):

Ձեռագիրն անունն ստացել է Ուտիքի Թարգմանչաց վանքում (Գանձակից ոչ հեռու՝ Մեծ Բանանց գյուղի մոտ) պահվելու պատճառով:

1900թ-ին Գ. Հովսեփյանը այն տեղափոխել է Էջմիածնի մատենադարան:

Հայ և օտարազգի հետազոտողների ուշադրությունը գրաված այս մատյանի պատկերազարդումը համարվում է հայ մշակույթի գլուխգործոցներից:

Ներգործող մեծ ուժ ունեն «Խորհրդավոր ընթրիք», «Դժոխքի ավերումն» և «Ավետումն» մանրանկարները:

Մեծ վարպետությամբ են կատարված նաև խորանները, անվանաթերթերը, լուսանցազարդերը, զարդագրերը:

ԳՐԻԳՈՐ ԾԱՂԿՈՂն ստեղծել է զարդաձևերի նոր տարբերակներ:

Գրակ.
Չուգասզյան Լ., Գրիգոր Ծաղկող, Ե., 1986:
Հակոբյան Հ., Կորխմազյան է., Հայկական մանրանկարչություն, Ե., 1987: