ԳՐԻԳՈՐ ՄԼԻՃԵՑԻ

Գործունեությունը` Մանրանկարիչ

Բնակավայրը` Հայաստան

Ծննդյան թիվն անահայտ է:
Մահ. 1215թ.:

XII-XIII դդ. մանրանկարիչ, գրիչ, Կիլիկիայի մանրանկարչության դպրոցի Սկևռայի գրչատան ներկայացուցիչ:

Գործել է նաև Մլիճի և Հռոմկլայի գրչատներում:

1173-1215-ին նկարազարդել է հինգ ձեռագիր:

Պատմական ու գեղարվեստական մեծ արժեք ունեն Գրիգոր Նարեկացու «Մատեան ողբերգութեան» մագաղաթե ձեռագրի (Մատենադարան, ձեռ. № 1568) խորանազարդերի, գլխատառերի, հյուսվածքւսվոր լուսանցազարդերի, Նարեկացու չորս դիմանկարի նուրբ վարպետությամբ կատարված ձևավորումները:

ԳՐԻԳՈՐ ՄԼԻՃԵՑու գեղագրած (բոլորգիր երկաթագիր) և նկարազարդած «Սկևռայի Ավետարանը» (1197, «Լվովի Ավետարան», մինչև 1830-ը՝ Լվովում) գերմանացի բյուզանդագետ Գ. Պրինցիգը 1993-ին հայտնաբերել է լեհ. Գնիեզնո ք-ի արքեպիսկոպոսարանում (գունապատճենը Հայաստանի ազգային գրադարանում):1997թ. այն ցուցադրվել է Մետրոպոլիտեն թանգարանում (Նյութ Յորք):

ԳՐԻԳՈՐ ՄԼԻՃԵՑու արվեստը դարձել է XIII դ. Կիլիկյան մանրանկարչության զարգացման հիմքերից: