ԳՐԻԳՈՐ ՈՐԴԻ ԱԲԱՍԱ

Գործունեությունը` Մատենագիր

Բնակավայրը` Հայաստան

Հայտնի է նաև որպես Գրիգոր Աբասյան:

Ծննդյան թիվն անհայտ է:
Մահ. 1220-1221թ., ամփոփվել է Ս. Աստվածածին եկեղեցու գավթում:

Մատենագետ, արևելյան վարդապետներից:

1214-ից՝ Սանահինի վանքի առաջնորդ:

Հայտնի է «Գիրք պատճառաց» («Պատճառ լայն և նուրբ գրեանց...») աշխատությամբ, որը բաղկացած է երեք բաժնից` 196 ծավալուն հոդվածներով:

Հետազոտված են 165-ի հասնող գործեր` Հին կտակարանի գրքեր, եկեղեցական մատենագիրների գործեր և «արտաքին» կոչված գրքեր, Նոր կտակարանի գրքեր:

ԳՐԻԳՈՐ ՈՐԴԻ ԱԲԱՍԱն իր երկի Ա. և Գ. բաժինների հոդվածները պատրաստելիս օգտվել է հայ հին և օտար մատենագիրների, իսկ Բ. բաժինը՝ Վարդան Հաղպատեցու, Դավիթ Քոբայրեցու, Մխիթար Գոշի և ուրիշների աշխատություններից:
«Գիրք պատճառացում» հեղինակը հանրագումարի է բերել հայոց մատենագրական ժառանգության ուսումնասիրման անցյալի փորձը, նոր մակարդակի բարձրացրել հայ մատենագիտությունը: