GRIGOR TUTEORDI / ԳՐԻԳՈՐ ՏՈՒՏԵՈՐԴԻ

Գործունեությունը` Կրոնական գործիչ

Բնակավայրը` Հայաստան

Ծննդյան և մահվան թվերն անհայտ են:

XII դ. Հաղպատի եպիսկոպոս, Սանահինի վանքի վանահայր:

Պահպանողական և ծիսադավանական զիջումների հարցում չհանդուրժող մասի ներկայացուցիչներից:

1154թ-ին կազմել է մի ձեռագիր՝ հիշատակարանով:

Հեղինակ է Հայ և Հույն եկեղեցիների միության խնդրին վերաբերող մի շարք նամակների՝ ուղղված Ներսես Շնորհալուն և Գրիգոր Ղ Տղային:

Մերժել է կիլիկյան հայրերի և Հռոմկլայի կաթողիկոսների առաջարկած՝ եկեղեցիների միության գաղափարը:

ԳՐԻԳՈՐ ՏՈՒՏԵՈՐԴու Գրիգոր Ղ Տղային ուղղած թղթերում զգուշացրել է այդ միությունն իրագործելու ծանր հետևանքների մասին:

ԳՐԻԳՈՐ ՏՈՒՏԵՈՐԴու հետ հաշվի են նստել Հռոմկլայի հայոց կաթողիկոսարանում և Արցախում:

Նրա անունը հիշատակվում է ավանդապատումներում, Սանահինի և Հաղարծնի վանքերի վիմական արձանագրություններում:

ԳՐԻԳՈՐ ՏՈՒՏԵՈՐԴԻն այդ վանքերին է նվիրել գրքեր, եկեղեցական օգտագործման թանկարժեք իրեր, դրամ հատկացրել վանական հաստատությունների շինարարության համար:

Սանահինի վանքի Ս. Հարություն եկեղեցու հս. կողմում է ԳՐԻԳՈՐ ՏՈՒՏԵՈՐԴու խաչքար-տապանաքարը (1183, գործ՝ Մխիթար Կազմողի):