GRIGORIK / ԳՐԻԳՈՐԻԿ

Գործունեությունը` Ճարտարապետ

Բնակավայրը` Հայաստան

Ծննդյան և մահվան թվերն անհայտ են:

XIII դ. ճարտարապետ:

Հայկական վիմափոր ճարտարապետության դպրոցի ներկայացուցիչ:

Ենթադրվում է, որ աշակերտել է Գալձագին, աշխատել իշխան Պռոշին պատկանող տիրույթներում:

Մարտիրոս գյուղից (այժմ՝ ՀՀ Վայոց ձորի մարզում) մոտ 4 կմ հվ-արլ-ում, Նզար լեռան մեջ, 1286-ին կառուցել է Ս. Աստվածածին վիմափոր վանքը:

Վանքի Ս. Աստվածածին եկեղեցու բեմի երկու կողերի պատուհաններից հվ-ին շինության արձանագրությունն է՝ «Ի թվ: ՉԼԵ» =1286, հս-ին՝ ճարտարապետի անունը «Գրգորիկ վպ.»:

ԳՐԻԳՈՐԻԿի ձեռակերտն է համարվում նաև Բնունիս գ-ի (այժմ՝ ՀՀ Սյունիքի մարզում) 1291-ին կերտված նշանավոր կոթող-մահարձանը՝ որմնափակ խաչքարը (այժմ՝ մասամբ ավերված):

Ենթադրվում է, որ ԳՐԻԳՈՐԻԿը, նշվածներից բացի, նաև այլ կառույցների հեղինակ է: