ԳՐԻԳՈՐԻՍ

Գործունեությունը` Կրոնական գործիչ

Բնակավայրը` Հայաստան

Նույն ինքը՝ սուրբ Գրիգորիս, սուրբ Մանուկ Գրիգորիս:

Ծնվ. մոտ 295թ.:
Մահ. 337-338թ.:

Քրիստոնեության քարոզիչ, Աղվանից և Վրաց եպիսկոպոս, Աղվանից եկեղեցու հիմնադիրն ու անդրանիկ հովվապետը:

Գրիգոր Ա Լուսավորչի թոռը, Վրթանես Ա Պարթևի որդին:

Քարոզչական առաքելությամբ Փայտակարան քաղաքից (որտեղ Տրդատ Գ Մեծի կողմից ուղարկվել էր իբրև հոգևոր առաջնորդ) անցել է Աղվանք, ապա՝ Վիրք և Մազքթաց աշխարհ:

Ձեռնադրել է եկեղեցու սպասավորներ, կառուցել ու նորոգել է մինչև Ատրպատականի գավառները եղած բոլոր եկեղեցիները:

ԳՐԻԳՈՐԻՍի քարոզչությունը սկզբնական շրջանում մեծ հաջողություն է ունեցել մազքութների մոտ:
Սակայն Տրդատ Գ-ի մահից (330) հետո, երբ Մազքթաց ավագանին հարել է Սասանյան Իրանին,
Սանեսան թագավորի կողմից ԳՐԻԳՈՐԻՍը մեղադրվել է որպես հայկական գործակալ և նահատակվել Վատնյան դաշտում:

Մարմինը տեղափոխվել է Արցախի Մյուս Հաբանդ գավառ և ամփոփվել եպիսկոպոսանիստ Ամարասի վանքի բակում:

ԳՐԻԳՈՐԻՍի գերեզմանի վրա 489-ին կառուցվել է դամբարան: