ԴԱՎԻԹ ԲԱՂԻՇԵՑԻ

Գործունեությունը` Պատմաբան

Բնակավայրը` Հայաստան

Ժամանակագիր:

Ծննդյան թիվն անհայտ է, Բաղեշ:
Մահ. 29.12.1673թ., Լիմ անապատ:

1651թ-ից` Բաղեշի Խնդրակատար վանքի, իսկ կյանքի վերջին տարիներին՝ Տարոնի Առաքելոց վանքի վանահայր:

Նրա ժամանակագրության առաջին մասն ընդգրկում է հայոց պատմությունը (հնագույն ժամանակներից մինչև 1662-ը), իսկ երկրորդը՝ ընդհանուր պատմությունը (նախահռոմեական, հռոմեական և բյուզանդական ժամանակաշրջանը), ավարտվում է Կ. Պոլսի թուրքական զավթմամբ (1453):

Ժամանակագրության հիմնական մասը քաղված է տարբեր աղբյուրներից (Աստվածաշունչ, Հոմերոս, Եվսեբիոս Կեսարացի, Մովսես Խորենացի, Ագաթանգեղոս, Փավստոս Բուզանդ և այլն):

Հեղինակն իր ժամանակի դեպքերին քիչ տեղ է հատկացրել:

ԴԱՎԻԹ ԲԱՂԻՇԵՑԻ նաև ընդօրինակել կամ ընդօրինակել է տվել ձեռագրեր:

Գրակ.
Աբրահամյան Ա., Դավիթ Բաղիշեցու Տարեգրությունը և նրա արժեքը հայ մատենագրության համար, «Էջմիածին», 1946, № 8-12: