DAVIT D VAXARSHAPATCI / ԴԱՎԻԹ Դ ՎԱՂԱՐՇԱՊԱՏՑԻ

Գործունեությունը` Կրոնական գործիչ

Բնակավայրը` Հայաստան

Ամենայն հայոց կաթողիկոս 1590-1629-ին:

Ծննդյան թիվն անհայտ է, Վաղարշապատ:
Մահ. 1633թ., Սպահան (Իրան):

1584թ-ից՝ իր նախորդի՝ Գրիգոր Ժ Բ Վաղարշապատցու աթոռակից:

Եղել է Ս. Էջմիածնի Մայր տաճարի լուսարարապետ:

Չկարողանալով վճարել օսմանյան կայսրության՝ Մայր աթոռի վրա դրված հարկը՝ ծանր կացությունից դուրս գալու միջոց է համարել հարուստ աթոռակից ընտրելը:

1593թ-ին Մելիքսեդեկ Գառնեցին օծվել է աթոռակից:

1603թ-ին շահ Աբաս 1-ը գրավել է Ատրպատականի և Հայաստանի մի մասը և ԴԱՎԻԹ Դ ՎԱՂԱՐՇԱՊԱՏՑուց և Մելիքսեդեկ Գառնեցուց պահանջել թուրքերին պարտք մնացած հարկերը:

1604թ-ին Պարսկաստանի շահ Աբաս 1-ը բռնագաղթած հայերի հետ Սպահան է տարել նաև ԴԱՎԻԹ Դ ՎԱՂԱՐՇԱՊԱՏՑուն: Վերջինիս բացակայության ժամանակ Մելիքսեդեկ Գառնեցին Մայր աթոռը անփառունակ վիճակի է հասցրել:

1612թ-ին ԴԱՎԻԹ Դ ՎԱՂԱՐՇԱՊԱՏՑԻն Երևանի և Նոր Ջուղայի մեծահարուստների հարկադրանքով վերադարձել է Ս. Էջմիածին:

1629թ-ին ժողովրդի պահանջով ԴԱՎԻԹ Դ ՎԱՂԱՐՇԱՊԱՏՑԻն գահազրկվել է:

Կաթողիկոսական գահին ԴԱՎԻԹ Դ ՎԱՂԱՐՇԱՊԱՏՑուն հաջորդել է Մովսես Գ Տաթևացին: