DAVIT KYURAPAXAT / ԴԱՎԻԹ ԿՅՈՒՐԱՊԱՂԱՏ

Գործունեությունը` Իշխան

Բնակավայրը` Հայաստան

Տայքի կյուրապաղատության (իշխանապետության) տիրակալ 966-ից:
Հայ Բագրատունիների Տայքի ճյուղից:

Ծննդյան թիվն անհայտ է:
Մահ. 1000թ.:

Բյուզանդական Վասիլ II կայսրը, ի հատուցում Վարդաս Ակլերոսի ապստամբության ճնշմանը ԴԱՎԻԹ ԿՅՈՒՐԱՊԱՂԱՏի ցուցաբերած օգնության, 979-ին նրան նվիրել է Խաղտո Առիճ, Չորմայրի, Կարին, Բասեն, Մարդաղի, Հարք, Ապահունիք գավառները:

Բյուզանդիայի ազդեցությունը թոթափելու նպատակով ԴԱՎԻԹ ԿՅՈՒՐԱՊԱՂԱՏի զորքերը մասնակցել են Վարդաս Փոկասի ապստամբությանը, որի ճնշումից հետո Վասիլ II կայսրը ԴԱՎԻԹ ԿՅՈՒՐԱՊԱՂԱՏին հարկադրել է ստորագրել «կտակ», որով մահից հետո նրա տիրույթներն անցնելու էին Բյուզանդիային:
ԴԱՎԻԹ ԿՅՈՒՐԱՊԱՂԱՏը շարունակել է ընդարձակել իր տիրույթները, հատել սեփական դրամ, համագործակցել Հայոց և Վրաց թագավորներին, որոնք 998-ին նրա օգնությամբ Ծումբի ճակատամարտում հաղթել են Հայաստան ներխուժած Ատրպատականի ամիրա Մամլանի զորքերին:
Երկյուղելով ԴԱՎԻԹ ԿՅՈՒՐԱՊԱՂԱՏի հզորացումից և ինքնուրույն քաղաքականությունից՝ բյուզանդական արքունիքը դավադրաբար սպանել է նրան և նվաճել Տայքը:

ԴԱՎԻԹ ԿՅՈՒՐԱՊԱՂԱՏի պատվերով արաբերեներից հայերեն է թարգմանվել «Պղնձե քաղաքի պատմությունը»: