DAVIT QERAKAN / ԴԱՎԻԹ ՔԵՐԱԿԱՆ

Գործունեությունը` Կրթական գործիչ

Բնակավայրը` Հայաստան

Նույն ինքը՝ Դավիթ Մեկնիչ;

V-VI դդ. քերական:

Երբեմն նույնացվել է Դավիթ Անհաղթի հետ:

Ծննդյան և մահվան թվերն անհայտ են:

Մեզ է հասել ԴԱՎԻԹ ՔԵՐԱԿԱՆի «Մեկնութիւն քերականին» աշխատությունը:

Հանդես է եկել որպես քերական արվեստի բանական հիմունքների ջատագով:

Մարդկային բնության մեջ առանձնացրել է երկու կողմ՝ «ոգի բանական» և «մարմին գործնական», որոնք լինում են բարի, միջակ և չար:

Քննելով բարու դրսևորումները՝ կանգ է առել «քերթողական արվեստի» վրա, որի մեջ է մտցրել նաև քերականութունը:

Նա տարբերակել է «տառ» և «գիր» եզրերը:

Մշակել է բառերի ստուգաբանության առանձին տեսություն և սահմանել ստուգաբանության երեք եղանակ.
1. ըստ առարկայի ձևի,
2. ըստ արհեստի կամ առարկայի հետ նրա հարաբերության,
3. ըստ բնաձայնության կամ առարկան հիշեցնող հնչյունակազմի:

ԴԱՎԻԹ ՔԵՐԱԿԱՆ տարբերակել է բառն ու բանը, տվել դրանց սահմանումը:

Անդրադարձել է արձակ և չափածո խոսքի միջև եղած տարբերություններին:

Խոսքի մասերը սահմանելիս առաջ է քաշել իրերի և երևույթների իմացական տարբերակման հարցը:
Անդրադարձել է նաև գեղագիտությանը:

Արվեստը բաժանելով 3 տեսակի՝ չար, միջակ, բարի, վերջինիս գծերը տեսել է հոգևոր երաժշտության մեջ:

Գրակ.
Ջահուկյան Գ. Բ., Քերականական և ուղղագրական աշխատությունները հին և միջնադարյան Հայաստանում, Ե., 1954:
Թահմիզյան Ն., էջեր հայկական վաղ-միջնադարյան երաժշտական գեղագիտությունից, «Տեղեկագիր» ՀՍՍՀ ԳԱ, հաս. գիտ.», 1961, № 2: