ԵՍԱՅԻ ՅԱՂՈՒԲՅԱՆ ՍԱՐԳՍԻ

Գործունեությունը` Ազգային-ազատագրական շարժման գործիչ

Բնակավայրը` Հայաստան

Հայ ագգային-ազատագրական շարժման գործիչ,
Մուսա լեռան հերոսամարտի (1915, հուլիս-սեպտեմբեր) ղեկավարներից:

Ծնվ. 1878թ., գ. Յողունօլուք (Ադանայի նահանգի Սվեդիայի գավառ):
Մահ. 1957թ., Երևան:

Պայքարել է թուրքական կառավարության հայահալած գործողությունների դեմ և 1902թ-ին ստիպված հեռացել է ԱՄՆ:

Երիտթուրքերի հեղաշրջումից (1908) հետո վերադարձել է հայրենի գյուղ:

Հայերի տեղահանության մասին թուրքական կառավարության 1915-ի հրահանգից հետո եղել է ինքնապաշտպանության ջատագով և կազմակերպիչ:

Հերոսամարտի ժամանակ ցուցաբերել է մեծ արիություն, ղեկավարել և խրախուսել է կռվողներին:

1918-ի սեպտեմբերի 19-ին ֆրանսիական բանակում գործող Հայկական լեգեոնի կազմում մասնակցել է թուրքերի դեմ մղվող Արաբայի ճակատամարտին:

1947-ին հայրենադարձել է: