ԷԴՈՒԱՐԴ ՄՈՒՐԱԴՅԱՆ

Գործունեությունը` Դերասան

Բնակավայրը` Հայաստան

Դերասան:

Ծնվ. 19 հուլիս, 1907, Արևմտյան Հայաստան, Խարբերդ քաղաքում:
Մահ. 05 սեպտեմբեր, 1979, Երևան:

1915թ. հայկական ջարդերի հետևանքով, տեղափոխվել է Սիրիա, որտեղ ավարտել է Հալեպի «Հայկազյան» ճեմարանը:
1920-ականների սկզբին ընդունվել է Երևանի Մարքսիզմ-Լենինիզմի համալսարանի արվեստի ֆակուլտետ:
1925-27թթ եղել է Երևանի Առաջին պետթատրոնի (Սունդուկյանի անվան թատրոն),
1928-30թթ` բանվորական շրջիկ,
1930-48թթ` Միկոյանի անվան Պատանի հանդիսատեսի թատրոնի դերասան:

Խաղացել է բազմաթիվ թատերական դերեր` Հերման` Շիլլերի «Ավազակներ», Դոբչինսկի` Գոգոլի «Ռևիզոր», Սիլվիո` Գոլդոնի «Երկու աստվածների ծառա», Կլաուս` «Ձյունե թագուհի», Ֆիլոստրատ` Շեքսպիրի «Ամռան գիշերվա երազ», Քլինթ, Թոմաս` Մոլիերի «Երևակայական հիվանդ», Իվան Տուրգենիչ` Ֆադեևի «Երիտասարդ գվարդիա», Ադոլֆ` Գուլակյանի «Չարիք», Իշխան Լևոն` Հարությունյանի «Անահիտ», Լևոն` Շիրոյանի «Արտիստը», Ուսուցիչ` Դեմիրճյանի «Քաջ Նազար», Մասիսյան` Սունդուկյանի «Խաթաբալա», Սուրեն` Շիրվանզադեի «Պատվի համար» և այլն: Բեմադրել է Շիրվանզադեի «Չար ոգի», Թոթովենցի «Երկու սուր», Քոչարյանի «Կույր երաժիշտ», Թումանյանի «Չարի վերջը» ներկայացումները:

Նկարահանվել է «Մորգանի խնամին», «Չախ-չախ թագավոր», «Վերադարձ» ֆիլմերում:

Աշխատել է Երևանի գեղարվեստա-թատերական ինստիտուտում` որպես դերասանական ֆակուլտետի դեկան, գիտական խորհրդի քարտուղար:

1948թ-ից եղել է ՀԽՍՀ Թատերական գործիչների միության անդամ:
Արժանացել է մի շարք պատվոգրերի, մեդալների: