ԹԱԴԵՎՈՍ ԱՄԻՐՅԱՆ ՄԻԱՆՍԻ (գիժ Թաթոս, դալի Թաթոս)

Գործունեությունը` Հայ ազգային-ազատագրական շարժման գործիչ

Բնակավայրը` Ադրբեջան

Հայ ազգային-ազատագրական շարժման գործիչ:
Ֆիդայի:
ՀՀԴ կուսակցության անդամ:

Ծննդյան թիվն՝ անհայտ է, ծննդյան վայրը՝ ք. Բաքու:
Մահ. 20.09.1918թ. Թուրքմենստանի Ախչա-Կումայի ավազուտներ:

Ա.Մ. Ամիրյանի եղբայրը:

Հայ-թաթարական բախումների (1905-06) ժամանակ Հս. Կովկասից զենք է տեղափոխել Բաքու և Այսրկովկասի արլ. վայրեր:

1905-ին մասնակցել է Բաքվի հայերի ինքնապաշտպանությանը:

Բաքվից Թիֆլիս զենք տեղափոխելու ճանապարհին՝ Գանձակի կայարանում, ջախջախել է կայարանը պաշարած թուրքերին:

Նիկոլ Դումանի հետ մասնակցել է Երևանի նահանգի տեղի հայության ինքնապաշտպանության կազմակերպմանը:

1918-ին իր խմբով մասնակցել է Ս. Շահումյանի ղեկավարությամբ կազմակերպված Բաքվի ինքնապաշտպանությանը:

Կոմունայի անկումից հետո 26 կոմիսարները, այդ թվում նաև Ամիրյանի եղբայրը՝ Արսենը, զինվորների տեղափոխման համար ԹԱԴԵՎՈՍ ԱՄԻՐՅԱՆի վարձած «Թուրքմեն» նավով Աստրախանի փոխարեն մատնությամբ տարվել է Կրասնովոդսկ և գնդակահարվել: