ԹԱՄԹԱ

Գործունեությունը` Իշխան

Բնակավայրը` Հայաստան

Նույն ինքը՝ Թամթա Զաքարյան:

Խլաթի ամիրայության կառավարիչ 1245-ից:

Ծննդյան և մահվան թվերն անհայտ են:

Իվանե Ա-ի դուստրը:

Խլաթի ամիրա Ավխադի (Կուզ) հետ նրա ամուսնությամբ (1210) բարեկամական հարաբերություններ են հաստատվել Զաքարյանների և Այուբյանների միջև:
Ավխադի մահից հետո ամուսնանալով նրա եղբայր Աշրափի հետ՝ Թամթան թեթևացրել է հայերից գանձվող հարկերը, պահպանել ամիրայության և հարևան հայ իշխանությունների բարիդրացիական կապերը, խրախուսել հայ մշակույթի զարգացումը Խլաթում:
1230-ին Թամթաին գերել և կնոլթյան է առել Հայաստան ներխուժած Խորեզմի շահ Ջալալեդդինը:
1231-ին Թամթանը գերվել է մոնղոլների կողմից, որոնք նրան ուղարկել են Կարակորում՝ մեծ խանի արքունիք:
1245-ին Վրաց Ռուսուդան թագուհու դեսպան Համադոլի միջնորդությամբ ազատվել է, մեծ խանից ստացել Շահարմենների ամիրայության տիրույթներում իշխելու հրովարտակ:
Հարաբերություններ է ունեցել Հայաստանի հս-արլ. մասի իշխանական տների հետ: