TOROS A / ԹՈՐՈՍ Ա

Գործունեությունը` Իշխան

Բնակավայրը` Հայաստան

Կիլիկիայի մեծ իշխան 1100-ից:
Հաջորդել է հորը՝ ԿոստանդիՆ Ա-ին:

Ծննդյան թիվն անհայտ է:
Մահ. 1129թ., թաղվել է Դրազարկում:

Բյուզանդական զորքերից ազատագրել և միավորել է Դաշտային Կիլիկիան՝ Սիս, Անարզաբա բերդաքաղաքներով:
1107-ին Գող Վասիլի զինակցությամբ Բերդուսի մոտ ջախջախել է Իկոնիայի սուլթանության նախահարձակ զորքերին և երկիրը մաքրել սելջուկյան թուրքերից:

Դստերը՝ Արտային, կնության տալով Եդեսիայի դուքս Բալդուին (Բաղդին) Բ-ին՝ դաշնակցել է նրան՝ ընդդեմ շրջակա մահմեդական ամիրայությունների:

Գագիկ Բ-ին նենգորեն սպանած հույն իշխան Սանդալեի որդիներից բռնագրավել է (1111/1113-ին) նրանց կալվածներն ու Կնդռոսկավիս (Կիզիստրա) բերդը:

Արժանացել է «Առաջին սեբաստոս» բյուզանդական տիտղոսի:
Անարզաբայում կառուցել է ապարանքներ, եկեղեցիներ, Սսի մոտ՝ Դրազարկի և Մաշկևորի վանքերը: