ԹՈՐՈՍ ՏԱՐՈՆԱՑԻ, Մշեցի

Գործունեությունը` Մանրանկարիչ

Բնակավայրը` Հայաստան

XIII դ. վերջ - XIV դ. 1-ին կեսի մանրանկարիչ, գրիչ և տաղասաց:

Ծննդյան և մահվան թվերն անհայտ են:
Ծնվել է Մուշ քաղաքում:

Գլաձորի մանրանկարչության դպրոցի ներկայացուցիչ:

Սովորել է Եսայի Նչեցու մոտ:

Պահպանվել են ԹՈՐՈՍ ՏԱՐՈՆԱՑու ընդօրինակած և ծաղկած 24 ձեռագիր (11-ը՝ Մատենադարանում), հնագույնը գրվել է 1307թ-ին, վերջինը՝ 1346-ին:

1318-ի նկարազարդած Աստվածաշնչի (ձեռ. № 206) որոշ գրքերում տեքստերին կից պատկերները արտահայտում են տվյալ սյուժեի ամենաէական դրվագը կամ գաղափարը:

ԹՈՐՈՍ ՏԱՐՈՆԱՑԻն զուգորդել է պատկերազարդման լատինական և կիլիկյան ավանդույթները:

Ուշագրավ են Աստվածամոր պատկերները, ինքնանկարները, Եսայի Նչեցու դիմանկարը:

ԹՈՐՈՍ ՏԱՐՈՆԱՑու մանրանկարներին հնչեղություն են հաղորդում վառ և հագեցած գունաշարերը, ոսկու առատ օգտագործումը:

ԹՈՐՈՍ ՏԱՐՈՆԱՑԻն նաև նուրբ գծանկարի վարպետ է (ճաշոց, ձեռ. № 95, Երուսաղեմի Ս. Հակոբյանց վանք):

Գրակ.
Ավետիսյան Ա., Հայկական մանրանկարչության Գլաձորի դպրոցը, Ե., 1971:
D e r - N e r s e s s i a n S., Manuscrits arme՝niens Mustre՝s du X lle- X llle et XIV e s ie ’c les de la Bibliotheque des Peres Mekhitharistes de Venise, P., 1936.