ԻԳՆԱՏԻՈՍ

Գործունեությունը` Գրիչ

Բնակավայրը` Հայաստան

XIII դ. գրիչ և մանրանկարիչ:

Ծննդյան և մահվան թվերն անհայտ են:

1214-42թ-ին գործել է Հոռոմոս, Հավուց թառ և Խծկոնք վանքերում:

Որպես ականատես՝ հիշատակություններ է թողել թաթար-մոնղոլական արշավանքների մասին:
ԻԳՆԱՏԻՈՍի ձեռագրերը պահվում են Մատենադարանում (ձեռ. № 1519,6202, 9649), Վենետիկի Ս. Ղազար (ձեռ. № 134), Նոր Ջուղայի Ամենափրկիչ (ձեռ. № 34) վանքերում, Չիկագոյի համալսարանի գրադարանում, Վ. Սիմոնյանի մասնավոր հավաքածուում (Կալիֆոռնիա), որոնք հատկանշվում են հյութեղ գույներով, զարդերի բազմաձևությամբ, ճկուն գծանկարով: Անվանաթերթերի հորինվածքով աչքի է ընկնում «Բագնայրի Ավետարանը » (Մատենադարան, ձեռ. № 1519), թեմատիկ նկարներով՝ Նոր Ջուղայի Ավետարանը:

Գրակ.
Հովսեփյան Գ., Նյութէր և ուսումնասիրություններ հայ արվեստի պատմության, հ. 1, Ե., 1983: