ԻՎԱՆԵ Ա

Գործունեությունը` Իշխան

Բնակավայրը` Հայաստան

Քաղական և պետական գործիչ, զորավար, իշխան:

Ծննդյան թիվն անհայտ է:
Մահ. 1227թ., թաղված է Ախթալայի Ս. Աստվածածին վանքում:
Սարգիս Զաքարյանի որդին:
1191-ին վրացական թագուհի Թամարից ստացել է մսախուրթուխուցեսի (արքունի մեծ վեզիր) պաշտոնը, ինչպես նաև ընդարձակ տիրույթներ (Աղստևի, Ձորագետի հովիտները, Սևանա լճի ավազանը, Փառիսոսի գավառը):
Մասնակցել է եղբոր՝ Զաքարե Բ Մեծի ազատագրական մարտերին:
1209թ-ին, Այուբյանների ամիրայության կենտրոն Խլաթի պաշարման ժամանակ, ԻՎԱՆԵ Ա-ն անզգուշորեն գերի է ընկել, որի համար հայ-վրացական զորքերը հարկադրված դադարեցրել են քաղաքի պաշարումը:
Կնքվել է հաշտության պայմանագիր, որով ԻՎԱՆԵ Ա Այուբյաններին է վերադարձրել մի քանի բերդեր, ազատել գերիներին, վճարել ռազմատուգանք և իր դուստր Թամթային կնության տվել Խլաթի ամիրային:
Ձաքարե Բ-ի մահից հետո ԻՎԱՆԵ Ա ստացել է ամիրսպասալարի (գլխ. հրամանատար), 1213- ին 14-ամյա գահաժառանգ Գեորգի IV Լաշայի գահ բարձրանալուց հետո՝ նաև աթաբեկի (թագավորահայր) պաշտոնները, դարձել վրացական արքունիքի ամենաազդեցիկ դեմքը:
1219-ին ԻՎԱՆԵ Ա ազատագրել է Սյունիքի Որոտնաբերդը:
1223-ի սեպտեմբերի հայ-վրացական զորքերով կռվել է Այսրկովկաս ներխուժած Խորեզմշահ Ջալալ ադ դինի դեմ, սակայն Կոտայքի Գառնի գյուղաքաղաքի մոտ պարտություն է կրել: