LEVON E / ԼԵՎՈՆ Ե

Գործունեությունը` Թագավոր

Բնակավայրը` Հայաստան

Հղումներ` hy.wikipedia.org

Կիլիկիայի հայոց թագավոր 1320-ից:
Հաջորդել է հորը՝ Օշին Ա-ին:

Ծնվ. 1310թ.
Մահ. 1342թ.

Լ. Ե-ի հրամանով 1329-ին մահապատժի են ենթարկվել նրա արևմտամետ քաղաքականությանն ընդդիմացող Ալիս թագուհին, Օշին պայլը, նրա եղբայր Կոստանդինը և ուրւշներ:

Ամուսնացել է Կիպրոսի Հենրիկոս II թագավորի այրու հետ, կալվածներ ու պաշտոններ է նվիրել լատին իշխանների՝ նրանց միջամտությամբ Եվրոպայից օգնություն ստանալու ակնկալությամբ:

Լեվոն Ե-ի բանակցություններն արևմտաեվրոպական երկրների հետ դիտելով իբրև թշնամական գործողություն՝ Եգիպտոսի սուլթանությունն ու Հալեպի ամիրան 1335-ին և 1336-ին վերստին ասպատակել են Կիլիկիան:

1337-ի հաշտությամբ՝ Կիլիկիայի հվ-արլ. տարածքը (Սև լեռներից մինչև Ջահան գետ)՝ Այաս քաղաքով, անցել է Եգիպտոսին, իսկ Լ. Ե պարտավորվել է չդաշնակցել Արևմուտքի պետություններին:

Լեվոն Ե իր արևմտամետությամբ սրել է պայքարը ունիթորների և հակաունիթորների միջև, ջլատել երկրի ուժերը՝ արագացնելով պետության անկումը:

Անժառանգ Լեվոն Ե-ի հանկարծամահությամբ ընդհատվել է Ռուբինյան-Հեթումյան տոհմի արական ճյուղը: