ԼԻԼԻ ՉՈՒԳԱՍԶՅԱՆ ՎԱՀԱՆԻ

Գործունեությունը` Երգիչ

Բնակավայրը` ԱՄՆ

Հղումներ` hy.wikipedia.org
www.azg.am

Երգչուհի (կոնտրալտո):

Ծնվ. 1920թ., Չիկագո:

Ձայնը մշակել է Ֆիլիպ Մանուելի մոտ:

Երգել է հայկական եկեղեցիներում:

1959-ին հանդես է եկել Լիթլ Ռոքի (ԱՄՆ-ի Արկանզասի նահանգ) օպերային թատրոնում,
ապա համերգներով՝ Չիկագոյում, Նյու Յորքում:

1961-ին հրավիրվել է երգելու Սպոլետոյի (Իտալիա) փառատոնում:
1962-ից՝ Մետրոպոլիտեն օպերայի մեներգչուհի:

Դերերգերից են՝
Նորմա (Բելլինիի «Նորմա»),
Ամներիս, Ազուչենա (Վերդիի «Աիդա», «Տրուբադուր»),
Ֆլորա (Մենոտիի «Մեդիում») և այլն:

Ելույթներ է ունեցել աշխարհի լավագույն նվագախմբերի և նշանավոր դիրիժորների հետ (Հ. ֆոն Կարայան, Լ. Ատոկովսկի, Լ. Բեռնստայն և ուրիշներ), կատարել կոնտրալտոյի երգամասեր Բախի, Մոցարտի, Բեթհովենի, Վերդիի, Հենդելի, Մահլերի, Շյոնբերգի, Ա.Պրոկոֆևի և այլոց վոկալ-սիմֆոնիկ տարբեր բնույթի ու ոճերի երկերում, համերգներում հաճախ է հնչեցրել հայկական երգեր, հատկապես «Կռունկը»:

1967-ին հանդես է եկել Երևանում՝ Փառաեձեմի (Չուխաճյանի «Արշակ Բ»), Ամներիսի դերերգերով, համերգներով:

1978-ին Վաշինգտոնում՝ Սպիտակ տանը, երգել է հայերեն:

ԼԻԼԻ ՉՈՒԳԱՍԶՅԱՆը օժտված է բացառիկ ձայնածավալի բազմերանգ և հարուստ ձայնով, բեմական ինքնատիպ ձիրքով:

Պարգևատրվել է ՀՀ մշակույթի նախարարության Պետրոս Ադամյանի անվ. մրցանակով (1981):

* * * *
«Հայը չպետք է ծույլ լինի»:
Լիլի Չուգասզյան

* * * *
«Նա եկավ, տեսավ և հաղթեց՝ ձեռք բերելով հազարավոր նոր բարեկամներ: Երգչուհին հայկական երգերն այնպես է մատուցում, որ դահլիճում նստածները շունչները պահած հետևում են նրա յուրաքանչյուր հնչյունին: Չուգասզյանը մեծ է, չափազանց մեծ»:
Սիլվիա Կատլեր, երաժշտական քննադատ (ԱՄՆ)

* * * *

Գրակ.
Բրուտյան Ց., Հայ երաժշտական մշակոյթի աշխարհասփիւռ ընձիւղները, Ե., 1996, Էջ 364-376: