ԽԱՉԻԿ Ա ԱՐՇԱՐՈՒՆԻ (Արշարունեցի)

Գործունեությունը` Կրոնական գործիչ

Բնակավայրը` Հայաստան

Ամենայն Հայոց կաթողիկոս 973-ից:
Հաջորդել է Ստեփանոս Գ Սևանցուն:

Ծննդյան թիվն անհայտ է:
Մահ. 992թ., ամփոփված է Արգինայի Կաթողիկե եկեղեցու հս. կողմում (Շիրակի գավառ):

Եղել է Արշարունիքի եպիսկոպոսը: Նպաստել է կաթողիկոսական աթոռն Արգինայում (949) հաստատելուն: Բյուզանդական կայսրության արլ. շրջաններում հայ բնակչությանը հունադավան, ազդեցությունից զերծ պահելու համար Անտիոքում, Տարսոնում, Իսավրիայում և այլուր նշանակել է եպիսկոպոսներ:

Օժանդակել է Բագրատունիներին' պետականությունն ամրապնդելու գործում:
Զբաղվել է շին. աշխատանքներով, Արգինայում կառուցել երեք կաթողիկե եկեղեցի, հիմնել մատենադարան:

Կաթողիկոս, աթոռին ԽԱՉԻԿ Ա ԱՐՇԱՐՈՒՆԻուն հաջորդել է Սարգիս Ա Սևանցին: